إوعى تقرف من التراب
وتخدك القرفة فى فمك
ياخد منك موقف عقاب
ومتلاقييش تربة تلمك
بكره ح تدفن فى التراب
و يطبطب عليك ويضمك
هيلمان الدنيا وهم كذاب
وهيلمان الأخره ف عمايلك
لا فرق بين بدلة وجلباب
ولا أي موضة تغير شكلك
لما يدق جرس الحساب
لا حراسة ح تنفع ولا أهلك
وغرور الحياه من سراب
وإللي ح يدافع عنك عملك
كله مكتووب فى الكتاب
اصدق حقيقة بصمة أصلك
كله حاضر مفيش غياب
والذرة ليها وزن فى قولك
راجع نفسك قبل العذاب
وإفلت من عتمة جهلك
وعمر العتمة ما لها صحاب
ونور الحقيقة ايمان يندهلك
تعليقات
إرسال تعليق