من كتاب كله اسرار
صفحاته من حنين داب
ووهم مرسوم بإقتدار
من لسان مخلوق كذاب
و طريق مفهوش انوار
وعصفور مش لاقى أزهار
على قسوة غصن له انياب
خلاص نهايتي علي الاخر
واتقفلت قدامي الابواب
وراحت مني كل المشاعر
ودبلت مني شجرة الصبار
انا مش يائس ولا بائس
ولا اقبلت علي الانتحار
ولا في يوم اكون فارس
والفروسية مش بالزرار
و القا نفسي في التراب
يبقي ليه اكون عاشق
و اللي عشقته كان سراب
وبرغم ظروفي انا عايش
بس عيشتي طبليتها مرار
ولسه الأمل جوايا فارش
بعد الليل ح يشرق نهار
وصعب أكون تانى واثق
في قلب فقد الإستشعار
أو أعيش علي وهم غامق
و القانى ع الرصيف منهار
تعليقات
إرسال تعليق