من كتر الجهل اللى اصبح علام
خربت الذمم فى أغلبية البيوت
والتربية مبقاش فيها ذرة نظام
والكدب بقا ليه حوارى ف الكلام
والحلفان على ودنه كأنه سلام
وحرية الفكر بقت فتيل وألغام
والذمه شيعووها فى التابوت
الطبليه كانت بتجمعنا ع الطعام
والبنت كان ليه قدسية وإحترام
لبسها شيك وكلامها ذوق ومقام
اصبح مقطع مهروووول بزرميط
والموبايل إخترق حرمة الإنسان
بصور فاضحة بعيده عن الأديان
واللى تحت الستاير بقا كله يبان
والحياء بقا كله عيوب وقرنبيط
ضيعوا الأصول وبقينا منساويش
والتراخى فى الدين وفقر النفوس
والحرام بقا عالى والحلال مفيش
عجب المصايب خلا الإعلام سليط
تعليقات
إرسال تعليق