أمي دي كانت نوور البيت
وجه بشوووش وإبتسامه
برغم ألامها بكل سكووت
عودتنا على العزة والكرامه
عمرها ما طلع ليها صووت
ولا جابت سيرة حد بملامه
كانت واحة أمل وطاقة نور
وحضن دافي وسكة سلامه
بتخبي أوجاعها في المستور
والاه جوواها بتجلجل كيانها
بتوصل لينا أجمل وارق شعور
ورسمه الضحكه علي جبينها
ما شوفتهاش نايمه ع السرير
طول عمرها واقفه علي حيلها
في دمها الواجب بيجري بحور
علي حساب صحتها وألم بدنها
شربت الصبر وطرحته زهوور
وفى عز ألمها بتسقينا حنانها
فرحتها تشوف الكل مسروور
وعناقيد الفرحه في اركانها
عاشت حياتها بشفافيه وشعور
وأجمل ايامنا عشناها فى سنينها
تعليقات
إرسال تعليق