قاللى برتاح لوحدى فى العياط
وبستمد منه العزيمه والإراده
وبقفل كل أبواب الإحباط
وبسلسل اليأس بطول الرباط
لا يفلفص ويفرض عليا السياده
وقعت كتير ف بعض الأوقات
وشربت المر الخام وبقا عاده
وطعمه فى ريقى إدانى نشاط
وبقيت اشوف كل حاجه ساده
لا الوان ولا طراطيش رسومات
ولا أشكال تخرجك من العباده
قاللى برتاح لما يفيض العياط
ونقاء القلوب وأنا على السجاده
روحى بترووح مع لون السواد
ولو راحت الروح مفيش إعادة
تعليقات
إرسال تعليق