يوم مر
ويوم بيمر
ويوم بيجر
ويوم بيعانى
ويوم معاه المعانى
ويوم بحلاوته بيعدى
ويوم يمشى يهدى
يوم بالفرح مليان
ويعدى معاه الامان
يوم خزان أحزان
ومعاه الحنين الوان
واهى كلها ايام بتعدى وتمر
يوم بسنين
يوم بأنين
ويوم وكأنه صبر
وبيتسقى فيه المر
يوم موجوع
ويوم ممنوع
يوم بدموع
ويوم بخضوع
يوم ضايع
ويوم بايع
يوم شايل الهم
ويوم غم
ويوم رچيم
ويوم رحيم
يوم سلام
يوم كلام
يوم سم
بيتسقى بأمان
يوم بيطبطب
ويوم اعطب
ويوم بيداوى
ويوم
يلملم ويدارى
يوم بيشقشق
فيه القلب مخنوق
مطوق بمية طوق
ويوم مليان بالشوك
يوم عاشق
ويوم معشوق
ويوم مشتاق
ويوم بيدور على الاشواق
يوم تفتكره حيعدى
يسكت ويهدى
ويزيد من الالالم
وتتهد فيه احلام
يوم مرسوم
ويوم محكوم
ويوم حاكم
ويوم بيتحكم
ويوم من الظلم أبكم
يوم نحلم فيه
ويبيع اللى بنشتريه
وليه نبكى عليه
بعد ماضرب ضربته القويه
يوم مشلول
ويوم مذلول
ويوم اطلال
متربط بحبال
يوم مسجون
ويوم بيهون
ويوم مجنون
ويوم على كل لون
يوم احلام مابتتحقق
بيطبطب ويشفق
يوم وصفه مابيكمل
ولا قادر يتحمل
واهو يوم بيعدى ويمر
يوم اخرس بمزاجه
عايش فى غابه
بيتفرج على الديابه
وعمال يتغابه
يوم بيحلم
يوم بيستسلم
ويوم بيعلم
نفسه يتكلم
يوم بالفرحة معدودة
وفى الأصل محسوده
يوم مولود معاه ميه ااهه
ويوم محفور فيه الدمعه
متصاحبه ومتباعه
ويوم البكى
مولود مع الوليد
مكتوب على جبينه
ده يومه ونصيبه
مكتوب يوم مايموت
فضل السكوت
واتحفر فى التابوت
فضل السكات لحد ما مات
يوم ليل
حبله طويل
ويوم جبل
لحد مامال
ووقع انكسر
يوم حق
ويوم أحق
ويوم بيجمع الحقوق
وهى فى الأصل طوق
يوم ظالم
ويوم مظلوم
ويوم معلول
يوم هدم
ويوم ردم
ويوم ندم
ويوم عدم
ويوم محفور بالدم
واهى كلها ايام بتعدى ...بتحاول تمر
تعليقات
إرسال تعليق