انا عايش الواقع وح ختار
وبصماته طله من ملامحى
ما ترغمنيش على أى قرار
انا إللى حاسس بجرحى
وعشت لوحدى ايام المرار
ولضمت الليل بخيط النهار
وضغطت ع نفسى بالأفكار
ومالقيتش حد فاهم شرحى
يعنى أعيش عمرى محتار
ويجرى بيا فى كل مشوار
والضلمه تخاصم الأنووار
عشان نوورت يوم فرحى
خلصت عندى كل الأعذار
فى أى صورة فيها إختيار
ولا نظرة خجل لأى حوار
إلا لما تقومى بقا و تصحى
تعليقات
إرسال تعليق